सारांश
काठमाडौं । नेपाली बजारमा आइतबार सुनचाँदीको मूल्य बढेर कारोबार भएको छ ।
नेपाल सुनचाँदी व्यवसायी महासंघका अनुसार आज छापावाल सुनको मूल्य गएको कारोबार दिनभन्दा तोलामा ३०० रुपैयाँले बढेको छ । यस दिन छापावाल सुन तोलाको ९१ हजार ८०० रुपैयाँमा कारोबार भइरहेको छ । गएको शुक्रबार सुन तोलाको ९१ हजार ५०० रुपैयाँमा कारोबार भएको थियो ।
महासंघका अनुसार तेजाबी सुन आज तोलाको ९१ हजार ३०० रुपैयाँमा कारोबार भइरहेको छ ।
यस दिन चाँदीको मूल्य पनि तोलामा १५ रुपैयाँले बढेर कारोबार भइरहेको छ । शुक्रबार तोलाको एक हजार १७० रुपैयाँमा कारोबार भएको चाँदी आज एक हजार १८५ रुपैयाँमा कारोबार भइरहेको महासंघले जनाएको छ ।
