सारांश
काठमाडौं । नेपाल क्रिकेट संघ (क्यान)ले बलात्कार अभियोग प्रमाणित भएका राष्ट्रिय टिमका स्पीनर सन्दीप लामिछानेलाई निलम्बन गरेको छ ।
क्यानले बिहीबार विज्ञप्ति जारी गर्दै फौजदारी मुद्दामा दोषी ठहर भई सजाय निर्धारण भइसकेकाले सन्दीपलाई घरेलु तथा अन्तर्राष्ट्रिय सबै प्रकारका क्रिकेट गतिविधिबाट निलम्बन गरिएको जनाएको छ ।
सन्दीप पक्षका वकिलले भने जिल्ला अदालतको फैसलामा असन्तुष्टि व्यक्त गर्दै उच्च अदालत जाने बताइसकेका छन् । सन्दीपले पनि बलात्कार मुद्दामा सफाइ नपाएसम्म खेल जीवनबाट अलग बस्ने बताएका छन् ।
