सारांश
काठमाडौं । आठौँ संस्करणको विराट गोल्डकप फुटबल प्रतियोगिताको मछिन्द्र फुटबल क्लबले उपाधि जितेको छ ।
शनिबार राति विराटनगरको सहिद रङ्गशालामा भएको खेलमा साङ्ग्रिला फुटबल क्लब मोरङलाई २–० ले हराउँदै मछिन्द्रले उपाधि जितेको हो ।
प्रतियोगिताका विजेता तथा उपविजेता टोलीलाई कोशी प्रदेशका मुख्यमन्त्री केदार कार्की र अखिल नेपाल फुटवल सङ्घका अध्यक्ष पङ्कजविक्रम नेम्वाङ र विराट गोल्डकप ट्रष्टका अध्यक्ष किशोर शाहीले पुरस्कार प्रदान गरे । प्रतियोगितामा नेपाल, भारत र भुटानका एक–एक र घरेलु आठसहित १० टोलीको सहभागिता थियो ।
