काठमाडौं । निर्देशक जनकदीप पराजुली हाल चलचित्र ‘सत्य मगला’को निर्देशनमा व्यस्त छन् ।
यतिबेला पोखराको आसपासका क्षेत्रमा छायाङ्कन भइरहेको यो चलचित्र उनले दक्षिण भारतीय चलचित्र निर्देशकहरू आर्यन प्रताप, स्टेफन एम.जोसेफसंँगको सहकार्यमा निर्देशन गरिरहेका हुन् ।
यो चलचित्रको नेपाल छायांकन व्यवस्थापन जनकदीप पराजुलीले हेरिरहेका छन् । चलचित्रमा प्रभु देवासहित शाही तन्सिखा र शंकर आर्यनको मुख्य भूमिका छ । बलिउडका लाइन प्रोड्युसर राजेन्द्र घिमिरेको अभिनयसमेत रहेको यो चलचित्रको छायाङ्कन नेपालमा ल्याउन उनको नै हात रहेको छ ।
पराजुली नेपाल चलचित्र निर्देशक समाजका अध्यक्ष हुन् ।
