हाल निर्माणाधीन नेपाली कथानक चलचित्र "रावायण" मा निरजले संगीत भरेका छन् । उनले संगीत गरेको गीतमा चर्चित बलिउड गायक कुणाल गान्जावाला र चर्चित गायिका सोनु कक्करले स्वर दिएका छन् । गान्जावालाले उनी भिघे ओठ तेरे, दुपट्टा तेरालगायत चर्चित गीत गाएका छन्, त्यस्तै सोनु भारतको व्यस्त गायिका मध्येमा पर्छिन् ।
बलिउडका ख्यातिप्राप्त गायक कैलाश खेरको कैलाशा म्युजिक स्टूडियोमा साउण्ड र मिक्सिङ इन्जिनियरको रुपमा कार्यरत निरजले बलिउडका महान कलाकार लता मङ्गेश्वर, आशा भोश्ले, अमिताभ बच्चन देखि उदितनारायण झा, कुमार सानू, कैलाश खेर हुँदै अन्नु मलिक, प्रितम, विशाल शेखर, अमित त्रिदेवी अरिजित सिंह, श्रेया गोशाल, सुनिधि चौहान लगायत बलिउडका सबै प्रख्यात गायक, गायिका एवं संगीतकारसंग काम गरिसकेका छन् ।
मुम्बई युनिभर्सिटीबाट संगीत सम्बन्धि कोर्स पास गरेका निरज नेपाली भाषी हुन् । उनले गीटार निकै राम्रो बजाउँछन् ।
यतिका वर्षदेखि बलिउड म्यूजिक स्टूडियोमा काम गर्दै आएका निरजलाई मुम्बईमा आफूले सिकेको ज्ञान र अनुभवलाई नेपाली चलचित्रमा एक्स्प्लोर गर्ने रुचि रहेछ।
उनी भन्छन् - "मैले यतिका बर्ष बलिउडमा बसेर जुन कुरा सिके, त्यसलाई नेपाली गीतमा शेयर गर्ने चाहना छ।"
निरज मुम्बईमै बस्ने र त्यहाँको पनि चर्चित रेकर्डिष्ट भएकाले नेपालबाट गीत रेकर्ड गर्न मुम्बई जाने निर्माता, निर्देशक, संगीतकार, गायक, गायिका संग उनको राम्रो सम्बन्ध छ। भेटघाटका क्रममा धेरै निर्माता निर्देशकले उनलाई संगीतकारको अफर धेरै पहिले देखि नै गरेका हुन् । निर्देशक निरक पौडेलको चलचित्रमा त उनले म्यूजिक सिटिङ समेत गरिसकेका थिए।
सारांश
