सारांश
काठमाडौं । चलचित्र पत्रकार सङ्घ नेपालले २५औँ रजत वार्षिक उत्सव पारेर कला क्षेत्रका क्रियाशील दर्जन बढी पत्रकारलाई पुरस्कार र सम्मान प्रदान गरेको छ ।
सोमबार साँझ राजधानीको नक्सालस्थित लिसारा रिसेप्सनमा आयोजित समारोहमा उपप्रधान एवं भौतिक पूर्वाधार तथा यातायात मन्त्री रघुवीर महासेठ, चलचित्र विकास बोर्डका अध्यक्ष भुवन केसी, प्रथम अभिनेत्री भुवन चन्द, हास्य साम्राज्ञी वसुन्धरा भुसाल लगायतले पुरस्कार र सम्मान प्रदान गरेका थिए ।
सङ्घका अध्यक्ष समीर बलामीले संघको रजत जयन्तीसँगै पत्रकारहरू सच्चिएर जानुपर्नेमा जोड दिए । चलचित्र पत्रकारिता क्षेत्रलाई मर्यादित बनाउन आगामी दिनमा पनि विभिन्न कार्यक्रम गर्नेछौ’ बलामीले भने ।
कार्यक्रममा चलचित्र पत्रकारिता रजत बर्ष पारेर पत्रकार डिबी खड्का, दिपक बिष्ट, रञ्जन खनाल, शिल्पा अधिकारी, जयनसुब्बा मानन्धर, अमृत पुडासैनी, मनिराज गौतम, रवीन्द्र खड्काले ‘चलचित्र पत्रकार रजत वर्ष विशेष सम्मान’ प्राप्त गरे ।
