सारांश
काठमाडौं । क्रिकेटर सन्दीप लामिछानेले ट्वान्टी–२० विश्वकप खेल्ने आफ्नो सपना पूरा नभए पनि देशको सपना पूरा भएकोमा खुसी भएको बताएका छन् ।
सन्दीपले सामाजिक सञ्जालमा एक पोस्ट गर्दै यस्तो बताएका हुन् ।
उनी लेख्छन्, “साँच्चै भन्नुपर्दा मेरो सपना पूरा नभए पनि म के कुरामा खुसी छु भने मेरो देशको सपना पूरा भएको छ ।”
नेपालले टी-२० विश्वकप खेल्ने तयारी गरिरहँदा स्पिनर सन्दीप भने भिसाको समस्याले गर्दा जान पाएका छैनन् । अमेरिकी दूतावासले उनलाई भिसा दिन इन्कार गरिरहेको छ ।
