सारांश
काठमाडौं । एसीसी महिला एसिया कपको दोस्रो खेलमा नेपालले पाकिस्तानविरुद्ध नौ विकेटको लज्जास्पद हार व्यहोरेको छ ।
आइतबार श्रीलंकाको दम्बुल्लामा सम्पन्न खेलमा नेपालले प्रस्तुत गरेको १०९ रनको लक्ष्य पाकिस्तानले ११.५ ओभरमा एक विकेट गुमाएर पूरा गर्यो ।
टस हारेर ब्याटिङमा आएको नेपालले निर्धारित २० ओभरमा ६ विकेट गुमाएर १०८ रनको योगफल खडा गरेको थियो ।
प्रतियोगितामा नेपालको यो पहिलो हार हो । नेपालले यसअघि युनाइटेड अरब इमिरेट्स (यूएई) विरुद्ध ६ विकेटको जित निकालेको थियो ।
जितसँगै समूह ‘ए’ मा पाकिस्तानले दुई अंक जोडेको छ । समूहमा नेपालको पनि दुई अंक नै छ ।
