सारांश
काठमाडौं । भारतविरुद्ध आठ विकेटको जित निकाल्दै श्रीलंका पहिलोपटक एसीसी महिला एसिया कप च्याम्पियन बनेको छ ।
आइतबार दमुल्लामा भएको फाइनल खेलमा भारतले प्रस्तुत गरेको १६६ रनको लक्ष्य घरेलु टिम श्रीलंकाले१८.४ ओभरमा पूरा गर्दै पहिलोपटक महिला एसिया कपको उपाधि जितेको हो ।
त्यसअघि टस जितेर ब्याटिङमा आएको भारतले निर्धारित २० ओभरमा ६ विकेट गुमाएर १६५ रनको योगफल खडा गरेको थियो ।
महिला एसिया कपको इतिहासमा प्रतियोगिताको सबैभन्दा सफल टिम भारतले सातपटक उपाधि जितेको छ ।
