सारांश
एजेन्सी । रोयल च्यालेन्जर्स बेंग्लुरू इण्डियन प्रिमियर लिग (आइपिएल)को अंक तालिकामा शीर्ष स्थानमा उक्लिएको छ।
गएराति चेन्नई सुपर किंग्सलाई २ रनले पराजित गर्दै बेंग्लुरू शीर्ष स्थानमा उक्लिएको हो।
बेंग्लुरूविरूद्ध जितका लागि २१४ रनको लक्ष्य पाएको चेन्नईले अन्तिम तीन बलमा ६ रन जोड्न नसक्दा पराजय ब्यहोर्न पुग्यो।
पहिले ब्याटिङ गरेको बेंग्लुरूले ५ विकेट गुमाएर २१३ रन बनाएको थियो।
शीर्ष स्थानमा उक्लिएको बेंग्लुरूले ११ खेलबाट १४ अंक जोडेको छ। समान खेलबाट ४ अंक जोडेको चेन्नई पुछारमा छ। उसले प्रतियोगिताभरि जम्मा दुई खेलमात्र जितेको छ।
