सारांश
काठमाडौं । राष्ट्रिय खेलकुद परिषद (राखेप)ले मंगलबार (जेठ १३) नेपाल खेलकुद पत्रकार मञ्च (एनएसजेएफ)को नवनिर्वाचित पदाधिकारी र सदस्यलाई बधाई एवं शुभकामना दिएको छ ।
राखेपका सदस्यसचिव टंकलाल घिसिङले आफ्नो कार्यकक्षमा साक्षात्कारसँगै नवनिर्वाचित टिमको कार्यकाल सफलताको कामना गरे ।
गएको वैशाखमा एनएसजेएफको २०औँ साधारणसभा एवं निर्वाचनबाट निरञ्जन अधिकारीको नेतृत्वमा ११ सदस्यीय कार्यसमिति चयन भएको थियो ।
नवनिर्वाचित अध्यक्ष अधिकारीले राखेपले खेलकुद पत्रकार मञ्चको यात्रामा सधैँ सहकार्य गर्दै आएको भन्दै यी दुई संस्थाबीचको सम्बन्ध अझ सुमधुर हुने विश्वास व्यक्त गरे ।
