सारांश
काठमाडौं । इन्डियन प्रिमियर लिग (आईपीएल)–२०२५ को फाइनलमा स्थान बनाउन आज आइतबार दोस्रो क्वालिफायरमा पन्जाब किंग्स र मुम्बई इन्डियन्सबीच प्रतिस्पर्धा हुँदै छ ।
प्रतियोगिताको लिग चरणबाट शीर्ष स्थानमा रहँदै प्लेअफ आए पनि पन्जाब पहिलो क्वालिफायरमा रोयल च्यालेन्जर्स बेंगलुविरुद्ध आठ विकेटले पराजित भएको थियो । यता, मुम्बईले भने इलिमेटरमा गुजरातविरुद्ध २० रनको जित निकालेको थियो ।
भारतको अहमदाबादमा हुने यो खेल नेपाली समयअनुसार राति ७ः४५ बजेदेखि सुरु हुनेछ । आजको खेलमा जित निकाल्ने टिमले उपाधिका निम्ति बेंगलुरुविरुद्ध खेल्नेछ ।
प्रतियोगिताको फाइनल खेल जुन ३ मा हुने तालिका छ ।
