सारांश
काठमाडौं । इन्डियन प्रिमियर लिग (आईपीएल) क्रिकेटको उपाधिका लागि आज रोयल च्यालेन्जर्स बेंगलुरु र पञ्जाब किङ्स फाइनलमा भिड्दै छन् ।
दुवै टोली पहिलो उपाधि जित्ने होडमा छन् । फाइनल खेल बेलुका पौने ८ बजेदेखि अहमदाबादस्थित विश्वकै ठुलो नरेन्द्र मोदी क्रिकेट रंगशालामा हुनेछ ।
घरेलु टोली बेंगलुरु रजत पतिदार र पञ्जाव श्रेयस ऐरको नेतृत्वमा मैदान उत्रनेछ ।
बिराट कोहली सहभागी बेंगलुरु र रिकी पोन्टिङ मुख्य प्रशिक्षक रहेको पञ्जावले जारी सिजन समान ६ खेलबाट ८ अंक जोडेका छन्। यद्यपि रनरेटका आधारमा बेंगलुरु तेस्रो र पञ्चाव चौथो स्थानमा छन् ।
बेंगलुरुले पहिलो क्वालिफायरमा पञ्जाबलाई हराएर फाइनलमा स्थान बनाएको थियो । पराजित पञ्जाबले दोस्रो क्वालिफायरमा मुम्बई इन्डियन्सलाई हराएर फाइनलमा फेरि बेंगलुरुसँगको भिडन्त पक्का गर्यो ।
लिग चरणमा समान खेलबाट समान नतिजा र अंक बटुलेका यी दुई टोलीबीच नेट रनरेटको मात्र फरक रहँदा पञ्जाब शीर्षमा फिनिस गरेको थियो भने बेंगलुरु दोस्रोमा रहेको थियो ।
