सारांश
काठमाडौं । नेपाली राष्ट्रिय महिला फुटबल टिमको मुख्य प्रशिक्षकमा प्याट्रिक डि वाइल्ड नियुक्त भएका छन् ।
बिहीबार अखिल फुटबल संघ (एन्फा)ले वाइल्डलाई टिमको मुख्य प्रशिक्षक नियुक्त गरेको जनाएको छ ।
एन्फाका महासचिव किरण राईले सातदोबाटोस्थित एन्फा मुख्यालयमा बिहीबारै वाइल्डलाई नियुक्त पत्र हस्तान्तरण गरेका छन् ।
बेल्जियमका ६१ वर्षीय उनीसँग राष्ट्रिय तथा अन्तर्राष्ट्रिय क्लब तथा संघहरूमा जिम्मेवारी सम्हालेको दुई दशकको अनुभव छ ।
वाइल्ड प्रो लाइसेन्स प्राप्त प्रशिक्षक हुन् ।
