सारांश
काठमाडौं । नेपालमा आगामी अक्टोबर १७ र १८ तारिखमा दक्षिण एशियाली अन्तर्राष्ट्रिय कराते प्रतियोगिता हुने भएको छ।
साथै आउँदो नोभेम्बर-२०२५ मा गजुरियो कराते अन्तर्राष्ट्रिय प्रशिक्षण कार्यक्रम आयोजना हुने भएको छ।
दशरथ रंगशालाको कवर्ड हलमा यी दुवै कार्यक्रम हुने नेपाल गजुरियो कराते संघले जानकारी गराएको छ।
यसै सन्दर्भमा नेपालमा गजुरियो करातेको विकास-बिस्तार तथा एशियाली गजुरियो कराते महासंघको भावी रणनीतिका विषयमा छलफल भएको छ।
यो छलफल विश्व गजुरियो कराते महासंघका उपाध्यक्ष बि. आर. मित्र को विशेष आतिथ्यमा भारतमा भएको हो। मित्र नेपाल गजुरियो करातेका प्रमुख प्रशिक्षक हुन् ।
उक्त अवसरमा प्रशिक्षक पोल स्टोलजेड (बेल्जियम), रेन ह्यान्स (बेल्जियम) र एशियाली महासचिव धीरज पवारको पनि उपस्थिति थियो।
हाल भारतका विभिन्न प्रान्तहरुमा गजुरियो कराते प्रशिक्षण कार्यक्रम संचालन भइरहेको छ।
